Xarici xəbərlər

ABŞ Müxtəliflik Vizası Lotereyası proqramını dayandırıb

ABŞ Müxtəliflik Vizası Lotereyası (Diversity Visa Lottery) proqramı dayandırılıb. Bu qərar Braun Universitetində baş verən silahlı insidentdən sonra qəbul edilib. ABŞ-ın Daxili Təhlükəsizlik Katibi Kristi Noem məsələ ilə bağlı açıqlama verib.

Crossmedia.az bu barədə xarici KİV-ə istinadən xəbər verir.

Məlumata görə, atışmada şübhəli bilinən 48 yaşlı Klaudio Manuel Neves Valente 2017-ci ildə məhz Müxtəliflik Vizası Lotereyası (DV-1) proqramı vasitəsilə ABŞ-da yaşamaq üçün yaşıl kart əldə edib. Hadisədən sonra ABŞ Prezidenti Donald Trampın göstərişi ilə ABŞ Vətəndaşlıq və İmmiqrasiya Xidmətlərinə (USCIS) proqramın dərhal dayandırılması barədə göstəriş verilib.

Qeyd edək ki, Braun Universitetində baş verən atışma nəticəsində iki nəfər ölüb, ən azı doqquz nəfər yaralanıb. Hadisədə şübhəli bilinən şəxsin cəsədi dekabrın 18-də Nyu-Hempşir ştatında aşkarlanıb.

🖨 Çap et

10:46 19.12.2025

Oxunuş sayı: 1371