Samvel Şahramanyanın mümkün həbsi gündəmdə: istintaqda yenidən dindirildi
Ermənistanda Samvel Şahramanyanın mümkün həbsi ilə bağlı müzakirələr davam edir.
Crossmedia.az xəbər verir ki, “Sputnik Armenia”nın məlumatına görə, ləğv edilmiş qondarma qurumun “sonuncu başçısı” Samvel Şahramanyan hazırda Ermənistan İstintaq Komitəsinin Hərbi İstintaq Baş İdarəsindədir və yenidən dindirilmə prosesi aparılır.
Bildirilir ki, Şahramanyan 44 günlük müharibə ilə bağlı açılmış cinayət işi çərçivəsində, qondarma qurumun ləğv edilməsi, eləcə də “Qarabağ informasiya qərargahı”nda Ermənistanın maraqlarına müəyyən dərəcədə zərər vurulduğu iddia edilən hallar üzrə verdiyi bəyanatlar əsasında dindirilir.
KİV-in yazdığına görə, bu iş üzrə Şahramanyan artıq bir neçə dəfə istintaqa cəlb olunub.
Erməni vəkil Roman Yeritsyan jurnalistlərə açıqlamasında bildirib ki, Şahramanyan hazırda sözügedən cinayət işi üzrə yalnız şahid qismində çıxış edir. Lakin o, Ermənistanda son dövrlər baş verən hadisələri, xüsusilə də dekabrın 11-də ləğv edilmiş qondarma qurumun “Qarabağ nümayəndəliyi”ndə aparılan axtarışı xatırladaraq, mümkün həbslə bağlı “hər şeyin gözlənilən olduğunu” qeyd edib.
15:45 18.12.2025
Oxunuş sayı: 997
