Xarici xəbərlər

Rubinyan: Kilsənin daxili işlərinə müdaxiləyə hazırlaşırlar

Ermənistan parlamentinin vitse-spikeri Ruben Rubinyan sabiq prezident Robert Koçaryan və rusiyalı iş adamı, hazırda həbsdə olan oliqarx Samvel Karapetyanla bağlı sərt açıqlama verib.

Crossmedia.az xarici mediaya istinadən xəbər verir ki, onun sözlərinə görə, aylarla Ermənistan hakimiyyətini Müqəddəs Eçmiədzinin — Erməni Apostol Kilsəsinin ali mərkəzinin daxili işlərinə qarışmaqda və onu "talamaqda" ittiham edən Koçaryan və Karapetyan indi özləri Kilsənin daxili proseslərinə müdaxilə etməyə və Müqəddəs Eçmiədzinə qarşı addımlar atmağa hazırlaşırlar.

Ruben Rubinyan bildirib ki, bütün bu proseslər Ktriç Nersisyanın dəvəti ilə həyata keçirilir. Vitse-spiker xüsusilə bir məqama diqqət çəkərək qeyd edib ki, Koçaryanın vaxtilə müxalifət hərəkatına arxiyepiskoplardan birinin rəhbərlik etməli olduğu barədə səsləndirdiyi fikir aylar sonra reallaşıb.

Rubinyan bunun təsadüf olub-olmaması ilə bağlı sual ünvanlayaraq yazıb: bu proses Koçaryanın göstərişinin Ktriç Nersisyan tərəfindən icrası nəticəsində baş verib, yoxsa həm Koçaryan, həm də Ktriç Nersisyan eyni "mərkəzdən" yönləndiriliblər?

Nigar Yahyazadə

🖨 Çap et

11:27 18.12.2025

Oxunuş sayı: 949