İqnatius: ABŞ və Avropa Ukrayna üçün təhlükəsizlik zəmanətlərini ratifikasiya etməyəcək
"Washington Post" qəzetinin köşə yazarı Devid İqnatius ABŞ və Avropa ölkələrinin Ukrayna üçün təhlükəsizlik zəmanətlərini qanunvericilik orqanlarında ratifikasiya etmə ehtimalının az olduğunu bildirib.
Crossmedia.az bu barədə xarici mediaya istinadən xəbər verir.
İqnatius qeyd edib ki, ideal vəziyyət ABŞ-da Konqres, Avropada isə müvafiq parlamentlər tərəfindən təhlükəsizlik zəmanətlərinin ratifikasiyası olardı. Lakin onun fikrincə, bunun baş verməsi ehtimalı çox aşağıdır, çünki ABŞ Senatı belə zəmanətləri dəstəkləmək üçün 2/3 səs çoxluğunu tələb edir və tarixdə yalnız beş dəfə belə zəmanət verilib. Sonuncu dəfə bu, 1949-cu ildə NATO-nun yaradılması zamanı baş verib.
Yazara görə, ABŞ və Avropa Ukraynaya hüquqi təminat versələr, bu, onları gələcəkdə Rusiya ilə birbaşa qarşıdurmaya gətirə bilər.
18:12 17.12.2025
Oxunuş sayı: 825
