Avstraliyanın Sidney şəhərində matəm səbəbindən bəzi Milad tədbirləri ləğv olunub.
Crossmedia.az xəbər veiri ki, bu barədə “9News” məlumat yayıb.
Bildirilib ki, Sidney Şəhər Administrasiyasının açıqlamasında bildirilib ki, Miladla bağlı tədbirlər bazar gününədək məhdudlaşdırılacaq. Şəhər üzrə Milad işıqları yəhudi icması ilə həmrəylik əlaməti olaraq Hanukka bayramını simvolizə edən ağ işıqlarla əvəz olunacaq.
Qeyd olunub ki, bu dəyişikliklər Town Hall, Martin Place-dəki yolka, Pitt Street Mall və QVB binasının örtüyündəki işıqlara da şamil ediləcək. Həmçinin şəhərdəki yolkalarda işıq və səs şouları keçirilməyəcək, “Carols in the City” proqramı isə bu həftə baş tutmayacaq.
Bundan başqa, şənbə günü Darling Harbour-da planlaşdırılan ayrıca atəşfəşanlıq da ləğv edilib.
Bununla yanaşı, Sidney Yeni il gecəsi tədbirinin plan üzrə keçiriləcəyi bildirilib. Şəhər Administrasiyasının məlumatına görə, Sidney Yeni il atəşfəşanlığı dünyada ən böyük tədbirlərdən biri hesab olunur və onu dünyada təxminən bir milyard insan izləyir, bir milyona yaxın şəxs isə liman ərazisinə toplaşır.
