İğdır Azərbaycan Evində Ulu Öndər Heydər Əliyevin əziz xatirəsi anılıb
İğdırda Azərbaycan xalqının Ümummilli Lideri Heydər Əliyevin vəfatının 22-ci ildönümünə həsr olunan tədbir keçirilib.
Crossmedia.az bu barədə Diasporla İş Üzrə Dövlət Komitəsinə istinadən xəbər verir.
İğdırda Azərbaycan Evinin təşkil etdiyi tədbirdə Ulu Öndər Heydər Əliyevin, şəhidlərimizin əziz xatirəsi bir dəqiqəlik sükutla yad olunub, hər iki ölkənin Dövlət himnləri səsləndirilib.
Anım mərasimində çıxış edən Azərbaycanın Qarsdakı Baş konsulu Zamin Əliyev, İğdır Universitetinin rektoru, professor, Türkiyə-Azərbaycan Dərnəyinin rəhbəri Ekrem Gürel, İğdır Azərbaycan Evinin rəhbəri Ziya Zakir Acar və tarix müəllimi Gökçen Acar müasir Azərbaycan tarixində silinməz izlər qoyan, təkcə öz ölkəsinin deyil, bütün dünyanın rəğbətini qazanan böyük dövlət xadimi Heydər Əliyevin qlobal liderlik irsinin bu gün də aktuallığını qoruduğunu bildiriblər. Heydər Əliyevin qətiyyəti və xalqına bağlılığı ilə çətin dövrlərdə belə ümid və sabitlik yaradan lider olduğunu söyləyiblər. Ulu Öndərin dünya liderliyinin sülh, sabitlik və beynəlxalq əməkdaşlıq prinsiplərinə əsaslandığı diqqətə çatdırılıb.
Tədbirin sonunda İğdır Universitetinin azərbaycanlı tələbələri ilə görüş təşkil olunub. Görüşdə tələbələri maraqlandıran məsələlər, yaxın gələcəkdə həyata keçirilməsi nəzərdə tutulan tədbirlər, xüsusilə İğdır və ətraf şəhərlərdə təhsil alan azərbaycanlı gənclər və layihələr ətrafında geniş fikir mübadiləsi aparılıb.
22:44 16.12.2025
Oxunuş sayı: 1007
