Messi azarkeşlərlə bağlı yaranan xaosdan sonra stadionu tərk edib
Argentinalı məşhur futbolçu Lionel Messi azarkeşlərlə görüş zamanı yaranan qarışıqlıq səbəbindən stadiondan təxliyə olunub.
Crossmedia.az xarici mediaya istinadən xəbər verir ki, Messinin həmin olayla bağlı çıxışı Hindistanın Kəlkətə (Kolkata) şəhərindəki “Salt Lake” stadionunda baş verib. O, bu ölkədəki “GOAT India Tour 2025” turunun bir hissəsi kimi stadiona gəlib və azarkeşlərlə görüşüb. Stadiondakı nizamsızlıq və fanatların narazılığı nəticəsində Messi çıxışını çox qısa müddətdə bitirərək stadionu tərk etməli olub. Futbolçu VIP qonaqların əhatəsində olduğu üçün adi azarkeşlər onu yaxından görə bilməyib. Bu vəziyyət tribunada narazılığa yol açıb. Bəzi azarkeşlər qışqırmağa başlayıb, meydançaya tərəf butulka və oturacaqlar atılıb.
Yaranmış gərginlik fonunda təşkilatçılar təhlükəsizlik məqsədilə Messini təcili şəkildə stadiondan çıxarıblar.
Qeyd edək ki, Lionel Messi hazırda ABŞ-nin MLS liqasında çıxış edən “Inter Miami” klubunda oynayır. Messi karyerası ərzində uzun illər “Barselona”, daha sonra isə PSJ formasını geyinib.
Sevinc Yarməmmədova
18:59 13.12.2025
Oxunuş sayı: 1383
