Çernobılda sığınacaq zədələndi, tikinti işləri dayandırıldı
Çernobıl Atom Elektrik Stansiyasında qəza baş vermiş enerji blokunun sökülməsi ilə bağlı işlər sarqofaqın zədələnməsi səbəbindən dayandırılıb.
Bu barədə Crossmedia.az xarici mediaya istinadən xəbər verir.
Beynəlxalq Atom Enerjisi Agentliyinin baş direktoru Rafael Qrossinin sözlərinə görə, agentliyin mütəxəssisləri zədələnmələrin nəticələrini, o cümlədən sığınacağın hermetikliyinə və obyektin istismardan çıxarılması prosesinə təsirini ətraflı şəkildə qiymətləndirirlər.
“Əgər sarqofaqın müdafiəsi təmin olunmasa, korium və ərimiş reaktor nüvəsinin fraqmentləri ilə təhlükəsiz işləmək mümkün deyil”,– deyə Qrossi bildirib.
Beynəlxalq Atom Enerjisi Agentliyinin rəhbəri əlavə edib ki, agentlik bu məsələdə sərt tələbləri qoruyur və aktiv şəkildə fəaliyyət göstərir. Onun fikrincə, Ukrayna tərəfi də bu qədər ildən sonra hər hansı sızmanın baş verməsini istəmir.
“Biz burada çox fəal işləyirik və problemin əhəmiyyətini vurğulamağa çalışırıq”,– deyə Rafael Qrossi qeyd edib.
Bu açıqlama Çernobıl AES-in təhlükəsizliyi ilə bağlı beynəlxalq narahatlıqları bir daha gündəmə gətirib.
Türkanə Məşədiyeva
16:55 13.12.2025
Oxunuş sayı: 897
