Kiberpolis bank kartı tədarükçülərinə qarşı növbəti əməliyyat keçirdi
Daxili İşlər Nazirliyinin Kibercinayətkarlıqla Mübarizə Baş İdarəsi qanunsuz onlayn qumar və mərc oyunlarından əldə edilən vəsaitlərin dövriyyəsində istifadə olunan bank kartlarının alqı-satqısı ilə məşğul olan şəxslərə qarşı növbəti əməliyyat keçirib.
Crossmedia.az xəbər verir ki, bu barədə məlumat Daxili İşlər Nazirliyindən verilib.
Əməliyyat zamanı 8 nəfər – Dilqəm Umudov, Nurhəsən Balayev, Sərvər Məmmədov, Zaur Məmmədzadə, Atabala Qarayev, Elçin İsgəndərov, Fərid Qədirov və Coşqun Cəfərli saxlanılıb. Onların yüzlərlə bank kartını alaraq “Telegram” vasitəsilə ölkə xaricindən idarə olunan qanunsuz qumar təşkilatçılarına satdıqları müəyyən edilib.
Faktla bağlı araşdırmalar davam edir. Vətəndaşlara şübhəli kart əməliyyatları barədə dərhal polisə məlumat vermək tövsiyə olunur.
09:45 28.11.2025
Oxunuş sayı: 1302
