ADB: Azərbaycanda biznes kreditləri portfeli 2026-cı ilin sonuna qədər 16 milyard manatı ötəcək
Azərbaycan Mərkəzi Bankı (AMB) 2026-cı ilin sonuna qədər verilmiş biznes kreditlərinin məbləğini, kiçik və orta müəssisələrə (KOB) verilən kreditlər də daxil olmaqla, azı 16,5 milyard manata çatdırmağı hədəfləyib.
Crossmedia.az-ın məlumatına görə, bu barədə Asiya İnkişaf Bankının (ADB) "Asiya Kiçik və Orta Sahibkarlıq Monitorinqi 2025" (Asia SME Monitor 2025) hesabatında deyilir.
Xatırladaq ki, 2024-cü il yanvarın 26-da AMB maliyyə əlçatanlığını genişləndirmək, maliyyə xidmətlərinin müxtəlifliyini artırmaq, həmçinin kredit bazarının şəffaflığını və dayanıqlılığını gücləndirmək məqsədi daşıyan "2024-2026-cı illər üçün maliyyə sektorunun inkişaf Strategiyası"nı təsdiq edib.
Sənədə əsasən, strategiyanın təsdiqləndiyi zaman verilmiş biznes kreditlərinin ümumi məbləği 12,4 milyard manat təşkil edib.
Strategiyada həmçinin qeyd olunur ki, 2024-cü ilin əvvəlinə pərakəndə ticarətdə nağdsız ödənişlərin payı təxminən 21,1 % təşkil edib, 2026-cı ilin sonuna qədər 40%-i ötməlidir. KOB-ların əksəriyyətinin topdan və pərakəndə ticarət sahəsində fəaliyyət göstərdiyini nəzərə alaraq nağdsız hesablaşmaların məhz kiçik və orta müəssisələr arasında aktiv yayılması gözlənilir.
10:45 12.11.2025
Oxunuş sayı: 1191
