Tramp 2020 seçkilərinə müdaxilədə ittiham olunan tərəfdarlarını əfv etdi
ABŞ Prezidenti Donald Tramp 2020-ci il prezident seçkilərinə müdaxilə ittihamı ilə üzləşən onlarla tərəfdarını əfv edən fərmanı imzalayıb. Bu barədə ABŞ-nin Əfv üzrə prokuroru Ed Martin məlumat verib.
Crossmedia.az bu barədə ABŞ mediasına istinadən xəbər verir.
Martin özünün X hesabında dərc etdiyi sənəddə qeyd edib:
“Bu fərman 2020-ci il prezident seçkilərindən sonra Amerika xalqına qarşı törədilən ciddi milli ədalətsizliyə son qoyur və milli barışıq prosesini davam etdirir.”
Əfv edilənlər arasında Trampın keçmiş vəkili və Nyu-Yorkun sabiq meri Rudi Culiani, keçmiş Ağ Ev aparat rəhbəri Mark Meadows və Respublikaçı kampaniya vəkili Sidni Pauell də var.
Sənəddə qeyd olunur ki, əfv qərarı Donald Trampın özünə şamil edilmir.
Günel Verdiyeva
18:33 10.11.2025
Oxunuş sayı: 5105
