BVF 2017-2024-cü illərdə Azərbaycanın cari əməliyyatlar üzrə profisitini açıqlayıb
Beynəlxalq Valyuta Fondu (BVF) “World Economic Outlook” icmalında Azərbaycanın cari əməliyyatlar saldosu barədə məlumatlar dərc olunub.
Bu barədə Crossmedia.az xəbər verir.
BVF məlumatlarına əsasən, cari əməliyyatlar saldosu ÜDM-ə nisbətdə (faiz ifadəsində) aşağıdakı kimi olub:
2017-ci il: 4,1%
2018-ci il: 12,8%
2019-cu il: 9,1%
2020-ci il: –0,5%
2021-ci il: 15,1%
2022-ci il: 29,8%
2023-cü il: 11,5%
2024-cü il: 6,3%
Bu məlumatlar xüsusilə 2021–2022-ci illərdə əhəmiyyətli profisit dövrlərini, 2020-ci ildə isə qısamüddətli kəsiri göstərir.
BVF-nin oktyabr proqnozlarına əsasən, 2025-ci ildə Azərbaycanın cari əməliyyatlar balansının profisiti ÜDM-in 4,3 faizi səviyyəsində, 2026-cı ildə isə 2,3 faizi səviyyəsində gözlənilir ki, bu da 2024-cü ilin göstəricisi (6,3%) ilə müqayisədə daha aşağıdır. Bu, həmçinin aprel proqnozu ilə müqayisədə əhəmiyyətli azalma deməkdir - həmin vaxt 2025-ci il üçün 7,8%, 2026-cı il üçün isə 4,1% nəzərdə tutulmuşdu.
09:28 15.10.2025
Oxunuş sayı: 783
