Tramp İlon Mask barədə müsbət fikir bildirib
ABŞ Prezidenti Donald Tramp, mühafizəkar fəal Çarli Kirk ilə vida mərasimində İlon Mask ilə söhbəti barədə müsbət fikir bildirib.
"O, (İlon) yaxınlaşıb salam verdi", – deyə Tramp Arizona ştatından Vaşinqtona uçuş zamanı jurnalistlərin sualına cavab olaraq Ağ Ev mətbuat qrupuna bildirib. – "Düşünürəm, bu əla oldu. O, yaxınlaşdı və bir az söhbət etdik."
Crossmedia.az xəbər verir ki, ABŞ Prezidenti Mask ilə söhbətinin təfərrüatlarını açıqlamaq istəməyib.
Bundan əvvəl Tramp və Mask Arizona ştatının Qlendeyl şəhərindəki State Farm Stadium-da keçirilən vida mərasimində birlikdə oturarkən görüntülənmişdilər. Bu, Maskın ABŞ prezidentinin komandası ilə yollarını ayırmasından sonra onların ilk ictimai birlikdə görünmələrindən biridir.
09:43 22.09.2025
Oxunuş sayı: 2802
