Xarici xəbərlər

F-35 məsələsi Türkiyə-ABŞ gündəminə qayıdır

ABŞ Prezidenti Donald Tramp açıqlayıb ki, 25 sentyabrda Ağ Evdə Türkiyə Prezidenti Rəcəb Tayyib Ərdoğanı qəbul edəcək. Görüşün mərkəzində F-16 qırıcılarının alınması və beşinci nəsil F-35 təyyarələri ilə bağlı dialoqun davam etdirilməsi dayanır.
Crossmedia.az xəbəbr verir ki, Tramp: “25 sentyabrda Ağ Evdə Türkiyə Prezidenti Rəcəb Tayyib Ərdoğanı qəbul etməkdən məmnunam. Biz prezidentlə bir sıra ticarət və hərbi sazişlər üzərində işləyirik, o cümlədən Boeing şirkətindən böyük təyyarə alışları, F-16 ilə bağlı böyük saziş, həmçinin F-35 ilə bağlı danışıqların davam etdirilməsi, və biz ümid edirik ki, nəticələr müsbət olacaq”deyə bildirmişdir.
O, Ərdoğanla münasibətlərin hər zaman “çox yaxşı” olduğunu vurğulayıb və qarşıdakı görüşü səbirsizliklə gözlədiyini qeyd edib.
Xatırladaq ki, 2019-cu ildə Türkiyə Rusiyanın S-400 zenit-raket kompleksini alması səbəbindən F-35 proqramından çıxarılıb. Bununla belə, Ankara milli müdafiə sektorunu aktiv inkişaf etdirib və KAAN adlı beşinci nəsil milli qırıcı üzərində işləyir.
Buna baxmayaraq, F-35 tədarükləri məsələsi hələ də açıq qalır. Ərdoğan əvvəllər ümid etdiyini bildirib ki, ölkə bu təyyarələri Trampın prezidentliyi dövründə əldə edə biləcək.