Fransada polis 300-dən çox şəxsi saxlayıb
Fransada 18 sentyabr tarixində keçirilən kütləvi etiraz aksiyaları zamanı polis 300-dən çox şəxsi saxlayıb. Bu barədə ölkənin daxili işlər naziri Brüno Retayo məlumat verib.
Crossmedia.az xəbər verir ki, nazirliyin məlumatına görə, nümayişlərdə 500 mindən çox insan iştirak edib, lakin “Ümumi Əmək Konfederasiyası” (CGT) bu rəqəmin bir milyondan çox olduğunu bildirib.
Xatırladaq ki, cümə axşamı günü bütün Fransa üzrə hökumətin sərt qənaət tədbirlərinə qarşı etiraz aksiyaları keçirilib. Bu tədbirlər büdcə kəsiri və böyük dövlət borcu fonunda irəli sürülüb. Hökumət 43,8 milyard avro həcmində xərclərin azaldılmasını planlaşdırır, lakin təqdim olunan büdcə layihəsində pensiyaların və sosial ödənişlərin indeksasiyası nəzərdə tutulmur.
12:11 19.09.2025
Oxunuş sayı: 945
