Xarici xəbərlər

Rusiya Prezident Administrasiyası rəhbərinin müavini istefa verib

Rusiya Prezident Administrasiyası rəhbərinin müavini Dmitri Kozak istefa verib.

Crossmedia.az "İnterfaks"-a istinadən xəbər verir ki, onun ərizəsi qəbul olunub

Bundan əvvəl RBK iki mənbəyə istinadən bildirmişdi ki, Kozak həftəsonu öz istəyi ilə Prezident Administrasiyası rəhbərinin müavini postundan istefa ərizəsi yazıb.

Nəşrin həmsöhbəti bildirib ki, “Kozakın ərizəsi qəbul olunub, cümə onun əvvəlki postunda son iş günü olacaq”.

Xatırladaq ki, avqustun əvvəlində "The New York Times" nəşri mənbələrə istinadən yazmışdı ki, Kozak hələ 2022-ci ildə prezident Vladimir Putinə Ukraynaya müdaxilə etməməyi tövsiyə edib. 2025-ci ildə isə ona sülh danışıqlarına başlamağı, həmçinin ölkədə daxili islahatlar aparmağı və güc strukturlarını hökumətə tabe etdirməyi təklif edib.

🖨 Çap et

13:16 18.09.2025

Oxunuş sayı: 747