Səudiyyə Ərəbistan və Pakistan “Birgə Strateji Müdafiə Sazişi”ni imzalayıblar
Səudiyyə Ərəbistanının vəliəhdi Məhəmməd bin Salman və Pakistanın Baş naziri Şahbaz Şərif “Birgə Strateji Müdafiə Sazişi”ni imzalayıblar.
Crossmedia.az xəbər verir ki, bu barədə Səudiyyə Ərəbistanının SPA xəbər agentliyi məlumat yayıb.
Pakistanın Baş naziri Şərifin Ər-Riyadda yerləşən Əl-Yamama sarayına səfəri çərçivəsində o, bin Salmanla görüş keçirib.
Rəsmi görüş zamanı nümayəndə heyətləri iki ölkə arasında tarixi və strateji əlaqələri, eləcə də bir sıra birgə əməkdaşlıq sahələrini müzakirə ediblər.
Görüşün sonunda tərəflər ölkələrin təhlükəsizliyini gücləndirmək, regionda və dünyada sülh və sabitliyi təmin etmək məqsədilə “Birgə Strateji Müdafiə Sazişi”ni imzalayıblar.
İmzalanmış saziş müdafiə sahəsində əməkdaşlığın genişləndirilməsinə və hər hansı hücuma qarşı birgə mübarizənin gücləndirilməsinə yönəlib. Sazişdə qeyd olunur ki, tərəflərdən birinə edilən istənilən hücum, hər iki ölkəyə edilən hücum kimi qəbul olunacaq.
09:32 18.09.2025
Oxunuş sayı: 4573
