Polşa NATO-nun nüvə silahının birgə istifadəsində iştirak etmək istəyir
Polşa prezidenti Karol Navrotski bəyan edib ki, respublika NATO çərçivəsində nüvə silahının birgə istifadəsində iştirak etməyə hazırdır və bu məsələdə Fransanın dəstəyinə ümid edir. Onun sözlərinə görə, Polşanın gələcəkdə həm enerji, həm mülki, həm də hərbi sahədə nüvə imkanlarına sahib olması vacibdir.
Crossmedia.az xəbər verir ki, Karol Navrotski bu barədə Fransanın LCI telekanalına müsahibəsində danışıb. O vurğulayıb ki, hazırda ölkənin öz nüvə arsenalına sahib olması məsələsini müzakirə etmək hələ “çox tezdir”.
Qeyd edək ki, bundan əvvəl Fransa NATO-nun “Eastern Sentry” əməliyyatı çərçivəsində alyansın şərq cinahının müdafiəsi məqsədilə Polşaya nüvə silahı daşımağa qadir üç Rafale qırıcı təyyarəsi göndərib.
Nihat Tahirov
14:13 17.09.2025
Oxunuş sayı: 4728
