Qətər İsrailin hücumu ilə bağlı bəyanat verib
Qətər Baş naziri və XİN rəhbəri Şeyx Məhəmməd bin Əbdürrəhman bin Casim Əl Tani İsrailin Qətər dövlətinə hücumunu müzakirə etmək üçün çağırılan Fövqəladə Birgə Ərəb-İslam Zirvəsinin Nazirlər Hazırlıq İclasında bəyanat verib:
“Qətər dövləti Qəzzada atəşkəsin əldə olunması və məhbuslarla girovların azad edilməsinə yönəlmiş rəsmi və ictimai danışıqlara ev sahibliyi etdiyi bir vaxtda — İsrailin tam məlumatı olduğu halda — məsuliyyətsiz və xəyanətkar İsrail təcavüzü həyata keçirildi. Nəticə etibarilə, bu təcavüz yalnız gərginliyin azaldılması səylərini pozmağa xidmət edəcək və İsrail hökumətinin Fələstin məsələsinin həlli üçün sülh yolundan imtina etmək niyyətini bir daha təsdiqləyəcək”.
“Bu, həmçinin, İsrail rəsmilərinin dəfələrlə verdiyi bəyanatlarda öz əksini tapan, Fələstin torpaqlarının ilhaqı və “Böyük İsrail” məqsədinə doğru hərəkəti ilə İsrailin beynəlxalq iradəyə və Birləşmiş Millətlər Təşkilatının Nizamnaməsinə davamlı meydan oxuduğunu göstərir,”-deyə, bəyanatda qeyd edilib.
09:00 15.09.2025
Oxunuş sayı: 5639
