Paşinyan: O çəkic bu müddət ərzində mənim masamın üstündə olub
“Avqustun 8-də Vaşinqtonda sülh imzalanıb. Çox deyilir ki, sülh və dövlətlərarası münasibətlərin qurulması barədə saziş sadəcə ilkin imzalanıb. Bir mənada, bəli. Halbuki bunu deyənlərin və bunu demək olar ki, heç nə kimi təqdim edənlərin 77,6 faizi yanvar, fevral, mart aylarında proqnozlaşdırırdı ki, avqustun 8-də müharibə olacaq”.
Crossmedia.az xəbər verir ki, bu barədə Ermənistan parlamentində hökumətlə sual-cavab zamanı Baş nazir Nikol Paşinyan “Vətəndaş Müqaviləsi” fraksiyasının deputatı Marina Qazaryanın avqustun 8-də Vaşinqtonda əslində hansı sənədin imzalandığı ilə bağlı sualına cavab verərkən bildirib.
“Amma sülh bəyannaməsi qəbul edilib, yenə də deyirlər ki, sadəcə sülh bəyannaməsi qəbul olunub. 1994-cü ildən Qarabağ məsələsi ilə bağlı danışıqlar prosesi gedir və heç vaxt Qarabağ məsələsinin danışıqlar masasında bəyannamə layihəsindən başqa heç bir sənəd layihəsi olmayıb. Mən janrdan danışıram. Əgər bəyannamə belə asan bir şeydirsə, niyə 30 il bu dövlətin, xalqın bütün enerjisini və gündəmini məhz o sadəcə bəyannamənin üzərində cəmləşdirirdik? Sülh təsdiqlənib. Bu, bir çoxlarının planına daxil deyildi və həmin sülhü dağıtmağa, pozmağa çalışırlar. İmkansızdır ki, bunu görməyəsən, belə maraqlı qüvvələr həm Ermənistanda, həm uzaqda, həm də yaxın ətrafda mövcuddur. Başqa məsələdir ki, biz təsdiqlənmiş sülhü onu institusional məhvə yönəltmək istəyənlərin əksinə olaraq, institusional inkişaf istiqamətinə aparmalıyıq”, - deyə Paşinyan qeyd edib.
“Vətəndaş Müqaviləsi” fraksiyasının deputatının niyə sosial şəbəkədə öz səhifəsində çəkicin şəklini yerləşdirdiyi ilə bağlı sualına Paşinyan belə cavab verib:
“Mən çəkicin şəklini yerləşdirməmişəm, o çəkic bu müddət ərzində mənim masamın üstündə olub. Ötən gün səhər “Facebook”u idarə edən əməkdaşım gəldi, gördü, çəkdi və “Facebook”a qoydu. Mənim həyatımda o şəkillə heç nə dəyişməyib. Əgər o şəklin olmaması kimlərəsə təlqin edirdisə ki, onların həyatında nəsə dəyişib, onlar səhv başa düşmüşdülər”.
17:49 10.09.2025
Oxunuş sayı: 761
