Paşinyan Moskvaya gedir: Putinlə görüş olacaqmı?
Ermənistanın Baş naziri Nikol Paşinyan Moskvaya gedir.
Crossmedia.az xəbər verir ki, bu barədə Ermənistan KİV-ləri məlumat yayıb.
Məlumata görə, sentyabrın 26-30-da Moskvada “World Atomic Week” (Dünya Atom Həftəsi) keçiriləcək ki, bu da müxtəlif ölkələrin özlərində atom proqramlarını inkişaf etdirən liderlərini bir araya toplayacaq.
Qeyd edilir ki. tədbirə Nikol Paşinyan da dəvət olunub.
“MediaHub” nəşrinin mənbəsinin məlumatına görə, Paşinyan Moskvaya yollanacaq. Bundan əlavə, o, Rusiya prezidenti Vladimir Putinlə ayrıca görüş keçirəcək.
Nikol Paşinyanın Aparatının İnformasiya və İctimaiyyətlə Əlaqələr İdarəsinin rəhbəri Armen Xaçatryan bu məsələyə dair suala cavab olaraq bildirib: “Baş nazirin səfərləri barədə məlumat vaxtında açıqlanır”.
Bundan əvvəl Rusiya XİN-in rəsmi nümayəndəsi Mariya Zaxarova Paşinyanın “World Atomic Week”də iştirakını istisna etməmişdi. Qeyd edək ki, Paşinyan-Putin görüşü sonuncu dəfə avqustun 31-də Şanxay Əməkdaşlıq Təşkilatının sammiti çərçivəsində baş tutub. Bu, Vaşinqton sazişinin imzalanmasından sonrakı ilk görüş idi.
15:22 10.09.2025
Oxunuş sayı: 3995
