İranlı millət vəkilindən iddia: Əsir götürülən İsrail pilotlarının etirafları tezliklə yayımlanacaq
İran parlamentinin qadın fraksiyasının rəhbəri, millət vəkili Fatimə Məhəmmədbeygi televiziya kanallarından birinə açıqlamasında bildirib ki, yaxın günlərdə müharibə zamanı əsir götürülən İsrailin F-35 qırıcılarının pilotlarının etirafları dövlət televiziyasında paylaşılacaq.
Crossmedia.az xəbər verir ki, deputatın iddiasına görə, həmin pilotlar efir vasitəsilə İsrail qırıcılarına havada yanacaq dolduran təyyarələrin hansı ölkələrdən havaya qalxdığını və ABŞ-nin bölgədə yerləşən hansı hərbi bazalardan İsrailə dəstək verdiyini açıqlayacaqlar.
Məhəmmədbeygi, habelə Amerika ictimai rəyinə toxunaraq bildirib ki, amerikalıların cəmi 16 faizi İrana hücumu dəstəkləyir, təxminən 60 faizi isə belə bir müharibənin əleyhinədir. Onun fikrincə, buna baxmayaraq, Donald Tramp İsrailin təsiri altında qərarlar qəbul edir.
18:12 05.09.2025
Oxunuş sayı: 4214
