Putin: Rusiya Ukrayna ərazisindəki istənilən hərbi qüvvələri hədəf sayacaq
Rusiya Prezidenti Vladimir Putin Vladivostokda keçirilən Şərq İqtisadi Forumunda Ukrayna və ölkəsinin xarici siyasəti ilə bağlı bir sıra açıqlamalar verib.
Crossmedia.az xəbər verir ki, Putin bildirib ki, Rusiya istənilən xarici və ya Ukrayna hərbi birləşmələrini qanuni hədəf hesab edəcək: “Moskva Rusiya və Ukrayna arasında yüksək səviyyəli görüş üçün ən münasib məkandır". Həmçinin Prezident Kiyevin görüşün keçirilməsi üçün əlavə tələblərini “artıq” adlandırıb və əsas məsələlərdə razılığa gəlməyin çətin olduğunu vurğulayıb.
Qeyd edək ki, Putin Ukrayna konstitusiyasına əsasən, ərazi ilə bağlı istənilən razılaşmanın referendumla təsdiqlənməli olduğunu, lakin hərbi vəziyyət səbəbilə bunun mümkün olmadığını xatırladıb.
O, qeyd edib ki, yaxın vaxtlara qədər Kiyev Moskva ilə dialoqu istisna edirdi, indi isə özü bu barədə təşəbbüs göstərir. Prezident həmçinin əlavə edib ki, təhlükəsizlik zəmanətləri həm Rusiya, həm də Ukrayna üçün nəzərdə tutulmalıdır, lakin bu mövzuda ciddi müzakirələr hələ aparılmayıb.
NATO məsələsinə toxunan Putin bildirib ki, Ukraynanın alyansa qoşulması Rusiyanın təhlükəsizlik maraqlarına birbaşa təsir edir. Eyni zamanda, o, Kiyevin Avropa İttifaqına üzvlük istəyini “qanuni seçim” adlandırıb.
Forumda çıxışı zamanı Putin ABŞ və Çinlə Arktikada əməkdaşlıq məsələsinə də münasibət bildirib. O, Moskvanın bu istiqamətdə “maneə yaratdığı” barədə iddiaları təkzib edərək deyib: “Bu, mənə ünvanlanan sual deyil. Biz heç kimə mane olmuruq, heç bir ‘çarxa çubuq taxmırıq”.
Fidan Xəlilova
14:30 05.09.2025
Oxunuş sayı: 5219
