Əminə Ərdoğan COP29 barədə paylaşım edib
COP29 Liderlər Sammiti həmrəyliyin və bəşəriyyət qarşısında ümumi məsuliyyətin güclü təzahürüdür.
Crossmedia.az xəbər verir ki, bu barədə Türkiyənin birinci xanımı Əminə Ərdoğan özünün X sosial şəbəkəsindəki səhifəsində yazıb.
"Dost və qardaş Azərbaycanın nümunəvi ev sahibliyi altında keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Liderlər Sammitinin ümumi evimiz olan Yer planetinə fayda gətirməsini arzu edirəm. Bu sammit sərhədləri aşan həmrəyliyin və təbiət və bəşəriyyət qarşısında ümumi məsuliyyətin güclü təzahürüdür", - o qeyd edib.
Ə.Ərdoğan həmçinin Bakı konfransının daha ədalətli dünyanın qurulmasına töhfə verəcəyinə ümidvar olduğunu deyib.
12:29 12.11.2024
Oxunuş sayı: 4867
