Husilərin baş naziri İsrailin Yəmənə endirdiyi zərbələr nəticəsində öldürülüb
Husilərin baş naziri Əhməd Qalib əl-Rəhavi İsrailin Yəmən paytaxtına endirdiyi zərbələr nəticəsində öldürülüb.
Crossmedia.az "Detaly.co.il"-ə istinadən xəbər verir.
Əl-Rəhavinin həlak olması barədə məlumatı Yəmən müxalifəti yayıb. Ədən şəhərindən yayımlanan "Əl-Cümhuriyyə" telekanalı xəbər verib ki, o, Səna şəhərinin Beyt-Bus rayonundakı mənzilində öldürülüb. "Ədən əl-Raad" qəzeti isə bildirib ki, o, bir neçə yaxın silahdaşı ilə birlikdə həlak olub.
Əl-Rəhavi təxminən bir ildir ki, tanınmayan husilərin hökumətində baş nazir vəzifəsini icra edirdi.
Məlumata görə, dünənki Yəmənə endirilmiş zərbələrin əsas hədəfi “Ənsar Allah” qruplaşmasının hərbi və siyasi rəhbərliyi olub. Bildirilir ki, hücum nəticəsində husilərin müdafiə naziri Məhəmməd Nasir əl-Atifi və Baş Qərargah rəisi Məhəmməd Əbd əl-Kərim əl-Qamarinin də öldüyü ehtimal olunur.
Zayirova Səbiyyə
11:57 29.08.2025
Oxunuş sayı: 4982
