Amerikada qırıcının qəzaya düşmə səbəbi açıqlanıb
Bu ilin yanvarın 28-də ABŞ Hərbi Hava Qüvvələrinin F-35A qırıcısı Alyaskadakı Eielson Hava Bazasında qəzaya uğrayıb. Qəzanın səbəbi, burun şassisinin su qarışmış hidravlik maye səbəbindən şaxtalı havada 17 dərəcə bucaq altında donması olub.
Crossmedia.az xəbər verir ki, pilot problemi həll etmək üçün 5 Lockheed mühəndisi ilə 50 dəqiqə telefon əlaqəsində olub. İki dəfə “touch-and-go” eniş cəhdi edilsə də, bu, vəziyyəti daha da pisləşdirərək buz yığılmasını artırıb.
Daha sonra əsas şassilər də donub, sensorlar təyyarəni havada yox, yer üzərində kimi göstərib. Uçuş idarəetmə sistemi havada olmasına baxmayaraq avtomatik olaraq “yer rejiminə” keçib və təyyarə idarəolunmaz hala düşüb.
Pilot katapult edərək sağ qalıb, lakin 196,5 milyon dollar dəyərində olan qırıcı partlayaraq məhv olub.
11:21 29.08.2025
Oxunuş sayı: 4198
