Ukrayna dronları Zaporojyedə Rusiya yanacaq qatarını məhv edib
Ukrayna Silahlı Qüvvələrinin PUA-ları Zaporojye vilayətində Rusiya ordusuna məxsus yanacaq daşıyan qatarı hədəfə alıb. Hadisə işğal altında olan ərazidə, Urucaynı və Tokmak arasında baş verib. Məlumata görə, partlayış nəticəsində dəmir yolu qatarı relsdən çıxıb, daha sonra isə havadan endirilən əlavə zərbələrlə tamamilə sıradan çıxarılıb.
Crossmedia.az xarici mediaya istinadən bildirir ki, bu əməliyyat işğal olunmuş bölgədə dəmir yolu hərəkətini faktiki olaraq iflic vəziyyətinə salıb. Rusiya hərbçiləri üçün yanacaq və sursat daşıyan bu qatarın məhv edilməsi Moskvanın logistikasına ciddi zərbə kimi qiymətləndirilir. Analitiklər qeyd edirlər ki, son dövrlər Ukrayna ordusu dəmir yolu xətlərini və hərbi təchizat vasitələrini daha çox hədəfə alır.
Ekspertlərin fikrincə, belə hücumlar Rusiya ordusunun cəbhədə təchizat imkanlarını zəiflətməklə yanaşı, işğal altındakı ərazilərdə nəqliyyat infrastrukturuna da böyük ziyan vurur. Bu isə qarşıdakı aylarda Rusiya tərəfinin müdafiə imkanlarını məhdudlaşdıra bilər.
Fidan Qarayeva
03:43 20.08.2025
Oxunuş sayı: 5610
