Ukraynalı futbolçuya rus dilində danışdığı üçün sarı vərəqə göstərildi
Ukraynada qadın futbol çempionatı zamanı diqqətçəkən hadisə baş verib. Odessanı təmsil edən “Sisters” komandasının oyunçusu İrina Mayborodina qarşılaşmanın 42-ci dəqiqəsində sarı vərəqə ilə cəzalandırılıb.
Crossmedia.az xarici mediaya istinadən bildirir ki, futbolçu oyunun gedişində rus dilində söyüş işlədib. Hakim Anastasiya Romanyuk isə buna dərhal reaksiya verərək sarı vərəqə göstərib. Hakim açıqlamasında qeyd edib ki, bu çempionat Ukrayna çempionatıdır və meydanda ünsiyyət yalnız ukrayna dilində aparılmalıdır.
Hadisə Ukrayna idman ictimaiyyətində müzakirələrə səbəb olub. Bir qrup insan bu qərarı düzgün hesab edərək milli dilin qorunmasını vacib sayır, digərləri isə idmanda dilə görə cəzanın ədalətli olmadığını bildirirlər. İrina Mayborodinanın özü isə hələlik məsələ ilə bağlı rəsmi açıqlama verməyib.
Fidan Qarayeva
02:25 20.08.2025
Oxunuş sayı: 5733
