Rusiya və Ukrayna hərbçilərin cəsədlərini dəyişib
Ukraynaya 1000 ukraynalı hərbçinin cəsədi qaytarılıb.
Crossmedia.az xəbər verir ki, məlumatı Ukraynanın Hərbi əsirlər üzrə Koordinasiya Qərargahı yayıb.
Qərargahın məlumatına görə, repatriasiya olunanlar arasında əsirlikdə həlak olmuş 5 ukraynalı hərbçinin də cəsədi var. Belə ki, onlar İstanbulda aparılan ikinci danışıqlar raundunda “ağır yaralı və xəstə əsirlər” siyahısına daxil edilib.
“Yaxın günlərdə hüquq-mühafizə orqanlarının istintaqçıları və Daxili İşlər Nazirliyinin müvafiq ekspert qurumları tərəfindən cəsədlərin identifikasiyası aparılacaq”, – qərargahdan bildirilib.
Qeyd edək ki, Rusiya tərəfi hələlik mübadiləni rəsmi təsdiqləməyib. TASS agentliyi mənbəyə istinadən yazır ki, Ukrayna Rusiyaya 19 hərbçinin cəsədini qaytarıb.
Fatimə Məmmədova
16:33 19.08.2025
Oxunuş sayı: 738
