İran: Qafqazda sülh strateji əhəmiyyət daşıyır
İran prezidenti Məsud Pezeşkiyan Ermənistanın baş naziri Nikol Paşinyanla keçirdiyi brifinqdə bildirib ki, Tehran Azərbaycan və Ermənistan arasında sülh prosesini dəstəkləyir.
Crossmedia.az xəbər verir ki, bu barədə xarici KİV yazıb.
“Biz qonşularımız, xüsusilə də Ermənistan üçün sülh və sabitlik istəyirik. İnteqrasiya və dostluq sülhün ən yaxşı təminatıdır. İran hər zaman Ermənistan Respublikasının ərazi bütövlüyünü müdafiə edib və regionda güc tətbiqinin əleyhinə olub. Qafqazda liderlik məhz region dövlətlərinə aid olmalıdır. Xarici ölkələrin müdaxiləsi isə vəziyyəti daha da mürəkkəbləşdirir. İran üçün Qafqazda sülh strateji əhəmiyyət kəsb edir və biz Azərbaycanla Ermənistan arasında danışıqları dəstəkləyirik. Dövlətlərin sərhədlərinin dəyişdirilməsi bölgədə geosiyasi rəqabəti dərinləşdirə bilər",– deyə Pezeşkiyan vurğulayıb.
Xumar Emilqızı
16:31 19.08.2025
Oxunuş sayı: 760
