Vaşinqtonda imzalanan sənədlər sülh sazişinə yol aça bilər
MDB-nin baş katibi Sergey Lebedev bildirib ki, Vaşinqtonda Azərbaycan və Ermənistan arasında imzalanan sənədlər gələcək sülh sazişi üçün əsas ola bilər.
Lebedev imzalanan sənədlərin Cənubi Qafqazda münasibətlərin tənzimlənməsi baxımından önəmli mərhələ olduğunu vurğulayıb.
Crossmedia.az xarici mediaya istinadən bildirir ki, baş katib müqayisə apararaq qeyd edib: “Necə ki, vaxtilə biz bütün Müstəqil Dövlətlər Birliyində Qırğızıstanla Tacikistan arasında dövlət sərhədi haqqında sazişin imzalanmasını məmnuniyyətlə qarşıladıq, indi də bu birgə bəyanatın imzalanmasını böyük məmnuniyyətlə qarşıladıq. Hesab edirik ki, bu sənəd yekun sülh sazişinə doğru atılan mühüm addımdır.”
Lebedev əlavə edib ki, sülh sazişinin imzalanması MDB çərçivəsində ali orqanların iclaslarını bu ölkələrin ərazisində daha geniş şəkildə keçirməyə imkan verəcək. O, həmçinin ümid etdiyini bildirib ki, Azərbaycan və Ermənistan gələcəkdə MDB fəaliyyətində daha aktiv iştirak edəcəklər.
Zəhra Ağayeva
16:28 19.08.2025
Oxunuş sayı: 664
