İrəvanda arxiyepiskop Mixael Acapahyanın işi üzrə ilk məhkəmə iclası keçirilib
Bu gün İrəvanda arxiyepiskop Mixael Acapahyanın işi üzrə ilk məhkəmə iclası keçirilib. O, hakimiyyətə zorla yiyələnməyə çağırışlarda ittiham olunur. İclas açıq rejimdə keçirilir və zalda Ermənistan Apostol Kilsəsinin ali ruhaniyyət nümayəndələri də iştirak ediblər.
Crossmedia.az xarici mediaya istinadən bildirir ki, arxiyepiskop Acapahyana qarşı hakimiyyətə yiyələnmə və suverenlikdən imtina çağırışları ilə bağlı iş qaldırılıb. O, 29 iyun tarixində iki aylıq həbs olunub.
İclas zamanı vəkili və ittiham tərəfi məhkəməyə sübutlar təqdim edib, şahidlərin ifadələri dinlənilib. Məhkəmə prosesi mərhələli şəkildə keçiriləcək və növbəti iclasın vaxtı barədə məlumat veriləcək.
Zəhra Ağayeva
16:00 15.08.2025
Oxunuş sayı: 5651
