Azərbaycanlı gənc atlet Madriddə qızıl medal qazandı
İspaniyanın paytaxtı Madriddə keçirilən U-15 və yeniyetmələrin Avropa birinciliyi davam edir.
Crossmedia.az Azərbaycan Ağırlıqqaldırma Federasiyasına istinadən xəbər verir ki, ikinci yarış günü atletlərimizdən Musab Məmmədtağıyev U-15 kateqoriyasında mübarizəyə qoşulub. 56 kiloqram çəki dərəcəsində yarışan idmançı birdən qaldırma hərəkətində 93 kiloqram nəticə göstərərək qızıl medala sahib olub.
Musab təkanla qaldırma hərəkətində də uğurla çıxış edib. O, bu dəfə 109 kiloqram çəkini başı üzərinə qaldıraraq gümüş medala layiq görülüb.
Beləliklə, iki hərəkətin cəmində 202 kiloqram nəticəyə imza atan atlet Avropa birinciliyinin qalibi adını qazanıb.
15:26 24.07.2025
Oxunuş sayı: 7736
