Los-Ancelesdə avtomobil insanların üzərinə sürüldü: 20-dən çox yaralı var
ABŞ-ın Los-Anceles şəhərində avtomobilin insan kütləsinin üzərinə sürülməsi nəticəsində 20-dən çox şəxs xəsarət alıb. Hadisə barədə şəhərin yanğınsöndürmə xidməti məlumat yayıb.
Crossmedia.az xəbər verir ki, bu barədə CNN məlumat verib.
“Naməlum avtomobil izdihamın üzərinə sürülüb, nəticədə 20-dən çox insan xəsarət alıb”, deyə açıqlamada bildirilib.
Şəhər administrasiyasının rəsmi saytında yer alan ilkin məlumatlara əsasən, 4-5 nəfərin vəziyyəti kritik, 8-10 nəfərin vəziyyəti isə qənaətbəxşdir.
Hazırda hadisə yerində təcili tibbi yardım xidmətləri fəaliyyət göstərir və yaralılara lazımi tibbi yardım göstərilir. Hadisənin səbəbləri araşdırılır.
Nigar Rəhimova
19:44 19.07.2025
Oxunuş sayı: 8181
