Süveyda yenidən şiddətli döyüşlər gedir
Suriyanın Əs-Süveyda vilayətində atəşkəs yaratmaq cəhdi uğursuzluğa düçar olub. Crossmedia.az xarici mətbuata istinadla xəbər verir ki, eyniadlı şəhərin şimal, mərkəz və cənub-qərb hissələrində silahlı druzlarla Ərəb Qəbilə Ordusunun qüvvələri arasında toqquşmalar başlayıb.
Məlumatlara görə, ötən gecə bir neçə müdafiə xətti yarılıb, regionun şimal-qərbində isə Suriya ordusuna məxsus kolonna hücuma məruz qalıb – yaralananlar var.
Şəhərdə vəziyyət gərgin olaraq qalır. Bədəvi silahlı dəstələrinin bölgəyə daxil olduğu, zorakılıq və qarət halları ilə bağlı xəbərlər yayılıb. Sosial şəbəkələrdə yayılan görüntülərdə yanan texnika, dağıdılmış nəzarət-buraxılış məntəqələri və şəhərin ayrı-ayrı ərazilərini nəzarətdə saxlayan silahlı qruplaşmalar əks olunub.
Nəzrin Salmanova
17:30 19.07.2025
Oxunuş sayı: 7926
