Azərbaycan şəhidlərinin ailə üzvlərindən ibarət qrup Türkiyənin Trabzon şəhərində səfərdədir
Qarabağ müharibəsi şəhidlərinin ailə üzvlərindən ibarət qrup Türkiyənin Trabzon şəhərində səfərdədir.
Crossmedia.az xəbər verir ki, şəhidlərin yaxınları və doğmalarının bu şəhərə səfəri Trabzonun Şəhid Ailələrinə Dəstək və Həmrəylik Cəmiyyəti tərəfindən təşkil edilib.
Azərbaycandan gəlmiş qonaqları Trabzonun Ortahisar rayon bələdiyyəsinin sədri Ahmet Kaya qəbul edib. O, görüş əsnasında qəhrəmanların ailə üzvlərinə əlindən gələn dəstəyi göstərməyə hazır olduğunu bildirib. Bələdiyyə sədri əlavə edib: “Türkiyə sizlərin də evidir. “Bir millət, iki dövlət” kəlamına uyğun əməkdaşlıq edən ölkələrimizi qardaşlıq bağları birləşdirir”.
Öz növbəsində, Trabzonun Şəhid Ailələrinə Dəstək və Həmrəylik Cəmiyyətinin rəhbəri Şeref İşler qeyd edib ki, Azərbaycandan gəlmiş şəhid ailələrinin səkkiz üzvü yeddi gün müddətində Qara dəniz vilayətində qonaq olacaq. Onlar bölgənin görməli yerlərini gəzəcək, yerli ictimaiyyətin nümayəndələri ilə görüşlər keçirəcəklər.
14:49 19.07.2025
Oxunuş sayı: 922
