Suriyada prezident İsrail rəsmiləri ilə görüş keçirib
Suriyanın rəsmisi əş-Şəraa İsrailin yüksək rütbəli rəsmiləri ilə görüş keçirib. Görüş Birləşmiş Ərəb Əmirliklərində baş tutub.
Crossmedia.az xarici mediaya istinadən bildirir ki, görüşdə İsrailin hərbi kəşfiyyat nümayəndələri, “Mossad”ın əməkdaşları və İsrailin Milli Təhlükəsizlik Şurasının təmsilçiləri iştirak ediblər. Tərəflər arasında aparılan müzakirələrin detalları açıqlanmasa da, bu təmasın regionda baş verən proseslərlə əlaqəli olduğu ehtimal edilir.
Qeyd edək ki, İsrail və Suriya arasında uzun müddətdir diplomatik münasibətlər yoxdur və bu cür görüşlər nadir hallarda baş verir. Bu baxımdan BƏƏ-də keçirilən görüş regional sabitlik və təhlükəsizlik baxımından diqqətçəkən hadisə hesab olunur.
Fatimə Nəbiyeva
19:13 02.07.2025
Oxunuş sayı: 8172
