Qırğızıstan ilə Özbəkistan arasında torpaq mübadiləsi başa çatıb
Qırğızıstan hökuməti Özbəkistandan əldə etdiyi torpaq sahələrinin rəsmi rəsmiləşdirilməsini tamamlayıb. Söhbət iki qonşu ölkə arasında yerləşən sərhəd ərazilərindən gedir.
Crossmedia.az xarici mediaya istinadən bildirir ki, bu sahələr Qırğızıstanın Oş vilayətində yerləşir. Birinci ərazi 100 hektar olmaqla Qara-Su rayonunda, 312/4 və 312/6 saylı sərhəd-keçid məntəqələri arasında yerləşir. İkinci sahə isə təxminən 200 hektar təşkil edir və Aravan rayonunda, 324 və 328 saylı sərhəd məntəqələri arasında yerləşir.
Qeyd edək ki, bu torpaq sahələrinin verilməsi iki ölkə arasında sərhəd məsələlərinin həlli istiqamətində atılan mühüm addımlardan biri hesab olunur. Bu addım həm də regionda sabitliyin və qarşılıqlı əməkdaşlığın gücləndirilməsi baxımından əhəmiyyətlidir.
Fatimə Nəbiyeva
11:47 02.07.2025
Oxunuş sayı: 6364
