Oman İran-ABŞ danışıqlarının bərpasını vacib sayır
Omanın xarici işlər naziri Bədr əl-Busəid ABŞ və İran arasında nüvə danışıqlarının bərpası üçün güzəştlərə getməyin zəruriliyini vurğulayıb.
Crossmedia.az xarici mediaya istinadən bildirir ki, Nazir tərəflər arasında danışıqların yenidən başlaması və mövqelərin yaxınlaşdırılması istiqamətində səylər davam etdiyini bildirib. Onun sözlərinə görə, Oman bu prosesdə körpü rolu oynamağa və tərəfləri ortaq məxrəcə gətirməyə çalışır.
Əl-Busəid qeyd edib ki, İran və ABŞ arasında nüvə müzakirələrinin bərpası üçün hələlik konkret tarix müəyyən edilməyib. Lakin Oman bölgədə sabitlik və dialoqun təşviqi baxımından bu danışıqların son dərəcə əhəmiyyətli olduğunu düşünür.
Xatırladaq ki, Tehran və Vaşinqton arasında nüvə proqramı ilə bağlı danışıqlar bir müddətdir dayandırılıb. Regionda artan gərginlik fonunda Oman kimi neytral vasitəçilərin roluna diqqət daha da artıb.
Mehriban Yariyeva
09:32 02.07.2025
Oxunuş sayı: 6018
