Saakaşvili: “Gürcüstan Rusiyaya deyil, Qafqaza bağlı qalmalıdır”
Gürcüstanın sabiq prezidenti Mixail Saakaşvili Qafqazda baş verən son proseslərə münasibət bildirib.
Crossmedia.az xarici mediaya istinadən xəbər verir ki, o, Azərbaycanın və Ermənistanın getdikcə daha fəal şəkildə Rusiyaya qarşı mövqe sərgilədiyini, lakin Gürcüstanda bu tendensiyanın əksinə gedildiyini vurğulayıb.
“Ermənistan və Azərbaycan fəal şəkildə Rusiyaya qarşı çıxır, İvanaşvili isə Rusiyaya qaçaraq Gürcüstanı da arxasınca sürükləyir”, – deyə Saakaşvili bildirib.
O, Gürcüstan xalqını Qafqazın bir hissəsi olaraq öz kimliyinə sahib çıxmağa çağırıb:
“Biz qafqazlıyıq, rus deyilik, Qafqazın dayandığı yerdə durmalıyıq”.
Saakaşvilinin bu bəyanatı Gürcüstanda siyasi gərginliyin artdığı bir vaxta təsadüf edir.
21:35 01.07.2025
Oxunuş sayı: 850
