Foreign Policy: “İranla qarşıdurma İsrailin zəifliklərini üzə çıxardı”
Foreign Policy nəşri yazır ki, İsrailin İranla qarşıdurması nəticəsində ölkə nəinki əsas strateji məqsədlərinə nail ola bilmədi, əksinə, Təl-Əvivin cavab zərbələri qarşısında nə qədər həssas olduğunu nümayiş etdirdi.
Crossmedia.az xəbər verir ki, məqalədə qeyd olununa görə, İsrailin Baş naziri Benyamin Netanyahunun məqsədi İran təhlükəsini aradan qaldırmaq olsa da, nəticədə ölkəsinin zəif cəhətlərini açıq şəkildə ortaya qoydu, İranda millətçi əhval-ruhiyyənin güclənməsinə səbəb oldu və Tehranın hərbi və nüvə potensialını məhv edə bilmədi.
Bundan əlavə, Foreign Policy yazır ki, Təl-Əvivin İran hədəflərinə zərbələri Tehranın Vaşinqtonla apardığı danışıqlar fonunda baş verdiyi üçün bu addımlar beynəlxalq nüvə silahlarının yayılmamasına yönəlmiş səylərə ciddi zərbə vurub.
Nəşr həmçinin qeyd edir ki, qarşıdurma nəticəsində İran yalnız regionda deyil, beynəlxalq diplomatiya müstəvisində də mövqelərini gücləndirmək imkanını əldə edib.
Mədinə Cəlilova
20:30 01.07.2025
Oxunuş sayı: 8705
