Tramp Maskı sərt tənqid etdi: “Mağazanı bağlayıb Cənubi Afrikaya qayıt!”
ABŞ-nin prezidenti Donald Tramp iş adamı İlon Maskı tənqid atəşinə tutub. Tramp Maskı ünvanladığı paylaşımında ona “mağazanı bağlayıb Cənubi Afrikaya qayıtmağı” məsləhət görüb.
Crossmedia.az xarici mediaya istinadən bildirir ki, bu açıqlama İlon Maskın ABŞ prezidentinin yeni vergi qanun layihəsini tənqid etməsindən sonra səsləndirilib. Tramp Truth Social platformasında yazıb:
“İlon Mask mənim prezidentliyə namizədliyimi qətiyyətlə dəstəkləməmişdən xeyli əvvəl bilirdi ki, mən elektromobillərə qarşıyam. Bu bir qədər gülməlidir, amma bu məsələ kampaniyamın əsas hissəsi olub. Elektromobillər yaxşıdır, amma heç kim məcbur edilməməlidir ki, onlardan istifadə etsin".
Tramp əlavə edib ki, Mask tarixdə bəlkə də ən çox subsidiyadan faydalanan insandır:
“Subsidiyalar olmasaydı, yəqin ki, artıq mağazanı bağlamış və evinə – Cənubi Afrikaya qayıtmışdı. Artıq nə raket buraxılışı, nə peyk istehsalı, nə də elektromobil istehsalı olardı. Bu isə ölkəmiz üçün böyük qənaət deməkdir. Bəlkə bu məsələyə ciddi şəkildə baxmalıyıq? BU, QƏNAƏT EDİLƏ BİLƏCƏK BÖYÜK PULLARDIR!!!” – deyə Tramp qeyd edib.
Fatimə Nəbiyeva
12:00 01.07.2025
Oxunuş sayı: 6975
