Qardaşlarımın işgəncə verilərək öldürülməsi ilə bağlı gerçəklərin ortaya çıxması üçün bütün imkanlar səfərbər edilib - Seyfəddin Hüseynli
Qardaşlarımın işgəncə verilərək öldürülməsi ilə bağlı gerşəklərin ortaya çıxması üçün, bütün imkanlar səfərbər edilib.
Crossmedia.az xəbər verir ki, bunu Seyfəddin Hüseynli jurnalistlərə açıqlamasında deyib.
Onun sözlərinə görə, Rusiya tərəfinin hadisənin ilk günlərindən yaydığı məlumatlarda qardaşlarımın guya həyəcandan, ürək tutmasından vəfat etməsi haqda deyilənlər tamamilə yalandır və bu, o ölkənin çirkin simasına xas olan növbəti uydurmadır:
"Bundan sonrakı mərhələ artıq istintaq orqanlarının işidir. Mən yalnız onu deyə bilərəm ki, bu məsələnin bütün gerçəklərinin üzə çıxması üçün mövcud imkanlar tam səfərbər edilib. Hələ ki, doğma Mərzili kəndimizə qayıtmaq imkanımız olmadığı üçün vida mərasimi Ağcabədidə bu evdə keçiriləcək. Qardaşlarım atam, anam və yaxınlarımızın dəfn olunduğu məzarlıqda torpağa tapşırılacaq".
S. Səfərov hazırda Rusiyada saxlanılan və ciddi xəsarət alan soydaşlarımızın hüquqlarının müdafiəsində dövlətimizin dəstəyinə güvəndiyini bildirib.
"Orada qalanlar arasında ağır və ciddi xəsarət alanlar da var. Onların bir qismi hələ də təcridxanadadırlar və barələrində əsassız məhkəmə prosesi aparılır. Həmin şəxslər arasında qardaşım 61 yaşlı Səfərov Zakir Mehdi oğlu da var. Məhkəmənin ona təyin etdiyi 72 saatlıq müddətin artıq başa çatmasına baxmayaraq, onun azadlığa buraxılması süni maneələrlə gecikdirilir. Bunun belə olmaması ümidi ilə yaşayıram. İnanıram ki, bu məsələdə əldə olunacaq hər bir nəticə dövlətimizin gücü və ədaləti sayəsində mümkün olacaq", - o əlavə edib. (trend.az)
09:55 01.07.2025
Oxunuş sayı: 6850
