Bakı metropoliteni Ankarada təcrübə mübadiləsində: Yeni texnologiyalar öyrənilir
22–25 iyun 2025-ci il tarixlərində AZCON Holding-in şirkətlərindən olan "Bakı Metropoliteni" QSC-nin nümayəndə heyəti Türkiyənin paytaxtı Ankara şəhərində işgüzar səfərdə olub.
Bu barədə Crossmdia.az QSC-yə istinadən xəbər verir.
Səfər “2025-2030-cu illər üçün Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair Dövlət Proqramı” çərçivəsində qarşıya qoyulan hədəflərin icrası məqsədilə həyata keçirilib.
Səfər zamanı Ankara Metrosunun rəhbər şəxsləri ilə görüşlər keçirilib, dispetçer mərkəzi, stansiyalar və vaqon parkında baxış təşkil olunub, idarəetmə sistemləri, sərnişin axını və texniki yeniliklər müzakirə edilib.
Nümayəndə heyəti, həmçinin Çin Xalq Respublikasının vaqon istehsalı üzrə ixtisaslaşmış CRRC şirkətinin Ankaradakı istehsalat müəssisəsində olub. Burada vaqonların texniki göstəriciləri, istehsal və təmir prosesi ilə yerində tanışlıq baş tutub.
Ankara səfərində əldə olunan bilik və təcrübələr Bakı Metropolitenində tətbiq ediləcək yeniliklərin planlaşdırılmasına töhfə verəcək.
20:16 26.06.2025
Oxunuş sayı: 957
