İran: ABŞ-nin zərbələri nüvə obyektlərimizə ciddi ziyan vurub
İran Xarici İşlər Nazirliyinin sözçüsü İsmail Baqai ABŞ tərəfindən həyata keçirilən hava zərbələri nəticəsində ölkəsinin nüvə obyektlərinin ciddi zərər gördüyünü təsdiqləyib.
Crossmedia.az xəbər verir ki, nazirlik rəsmisi bu barədə “Bəli, bizim nüvə qurğularımız ciddi şəkildə zədələnib. Bu dəqiqdir, çünki onlar dəfələrlə hücumlara məruz qalıblar,” – deyə bildirib.
Baqai məsələ ilə bağlı texniki təfərrüat verməyəcəyini vurğulayaraq bu işlə İranın Atom Enerjisi Təşkilatının və digər aidiyyəti qurumların məşğul olduğunu qeyd edib.
Nazirlik sözçüsü eyni zamanda İranın Atom Enerjisi üzrə Beynəlxalq Agentlik (MAQATE) ilə münasibətlərinə yenidən baxmasının hazırkı geosiyasi şəraitdə təbii olduğunu vurğulayıb: “Qanun layihəsi MAQATE ilə əməkdaşlığın tamamilə kəsilməsini deyil, yalnız dayandırılmasını nəzərdə tutur. Sizcə, açıq təcavüzə məruz qalan bir ölkənin bu əməkdaşlığa yenidən baxması təbii deyilmi?” – deyə Baqai bildirib.
Nigar Yahyazadə
17:30 25.06.2025
Oxunuş sayı: 10009
