Tramp: Çinin İrandan neft alması mənim üçün şərəfdir
"Çin artıq İrandan neft almağa davam edə bilər və bu, mənim administrasiyam dövründə atılan bir addım olub".
Crossmedia.az xarici KİV-ə istinadən xəbər verir ki, bunu açıqlamasında ABŞ prezidenti Donald Tramp deyib.
“Çin indi İrandan neft almağa davam edə bilər. Ümid edirik ki, onlar ABŞ-dan da çox şey alacaqlar. Bunu etmək mənim böyük şərəfim idi!”, – deyə Tramp paylaşımında vurğulayıb.
Trampın bu açıqlaması ABŞ-ın İrana qarşı tətbiq etdiyi sanksiyaların sərtləşdirilməsi fonunda suallar doğurub. O, prezidentliyi dövründə İrana qarşı ən sərt sanksiya siyasətini həyata keçirən liderlərdən biri olmuşdu. Lakin paylaşımından belə aydın olur ki, bəzi hallarda ticari maraqlara üstünlük verilə bilib.
Hazırda Trampın bu açıqlamasının real hüquqi və ticari nəticələri ilə bağlı rəsmi mövqe açıqlanmayıb.
14:25 25.06.2025
Oxunuş sayı: 9216
