ABŞ Cənubi Qafqazda “real münaqişə” xəbərdarlığı ilə əslində nəyə hazırlaşır? - Analiz
ABŞ-nin dövlət katibi Marko Rubio Senatın Xarici Əlaqələr Komitəsində çıxışında bildirib ki, ölkəsinin Azərbaycanla bağlı bizim əsas diqqətimiz bu ölkə ilə Ermənistan arasında sülhün əldə olunmasıdır.
O, Ağ Evin bu istiqamətdə çalışdığını əlavə edib.
Cənubi Qafqaz həmişə ABŞ-nin diqqətində olub. Amma danılmaz faktdır ki, rəsmi Vaşinqton heç də həmişə bu regionda baş verəndə obyektiov yanaşmayəb Bəs bu dəfə Ağ Ev nə qədər səmimidir?
Bu barədə Crossmedia.az-a danışan siyasi şərhçi Asif Nərimanlı Rubionun Azərbaycan və Ermənistan arasında real münaqişə təhlükəsinin olduğunu deməsini də xaırladıb: “Trampın Ağ Evə qayıdışından sonra Cənubi Qafqazı diqqətdən kənarda qoyan Vaşinqtonun bu yanaşması məqsədin nə olduğuna dair sualları ön plana çıxarır. Rubio bu sözləri konqresmen Kristofer Smitin sualını cavablandırarkən dilə gətirdi. Ermənipərəst mövqeyi ilə məşhur olan Smitin məqsədi ABŞ-ın yeni administrasiyasının diqqətini bölgəyə Ermənistanın maraqları kontesktində çəkməkdir. Onun Azərbaycanın ermənilərə qarşı “etnik təmizləmə” həyata keçirdiyi iddiasını irəli sürməsi, eyni zamanda, “məhbuslar və insan haqları” məsələsi üzərindən Vaşionqtonu Bakıya təzyiqə sövq etmək cəhdi də buna hesablanmışdı. Rubio sualı diplomatik çərçivədə cavablandırdı. Bildirdi ki, “bir çox hallarda ideal olmayan ölkələrlə qarşılaşırıq, lakin belə ölkələrlə milli maraqlarımız əsasında münasibət qurmalı, milli maraqlarımızla diplomatiya arasında tarazlıq qurmalıyıq”. Trampın baş diplomatı bununla ABŞ-ın xarici siyasətinə erməni maraqlarına kontekstində yanaşan lobbiçilərə sələflərinin səhvlərini təkrarlamayacaqları mesajını verdi. Rubionun “Azərbaycan və Ermənistan arasında real münaqişə təhlükəsi var və biz bunun qarşısını almağa çalışırıq” sözləri də Konqresə “regionda prioritet məsələnin sabitliyin əldə edilməsi” olduğunu və “administrasiya olaraq bu istiqamətdə işlədiklərini” çatdırmaq məqsədi kimi görünür”.
Onun fikrincə, real münaqişə təhlükəsindən bəhs edən ABŞ-ın hədəfləri arasında bu təhlükənin qarşısını almaq adı ilə Azərbaycan-Ermənistan danışıqlar prosesinə müdaxilə etmək olduğu da istisna edilməməlidir. Vaşinqtonun burada iki mümkün niyyəti görünür: “Birincisi, regionun gələcəyini müəyyənləşdirəcək Azərbaycan-Ermənistan danışıqlarından kənarda qalmamaq. İkincisi, dünyada münaqişələrə son qoymaq missiyasına iddia edən Tramp Administrasiyası Bakı-İrəvan xəttində əldə olunan razılaşmardan pay almaqla öz aktivinə daha bir uğurlu nəticəni yazmaq istəyir.Azərbaycan-Ermənistan arasında real münaqişə risklərinin azalmasına baxmayaraq, Rubionun belə bir riskdən bəhs etməsi ABŞ-nin təhlükənin aradan qaldırılması adı ilə prosesə qoşulmaq cəhdlərinə dair gözləntilər yaradır. İstisna deyil ki, növbəti addım ABŞ dövlət katibinin Bakı və İrəvana zəngi olacaq”.
Kənan Novruzov
23:30 22.05.2025
Oxunuş sayı: 612
