Azərbaycan alimlərinə yeni elmi dərəcələr verildi: AAK-da təntənəli tədbir
Azərbaycan Respublikasının Prezidenti yanında Ali Attestasiya Komissiyasında (AAK) 15 elm sahəsi üzrə elmi dərəcə və elmi ad almış 40 iddiaçıya diplomlar və attestatların, xarici ölkədə verilmiş elmi dərəcə haqqında sənədin nostrifikasiyası əsasında tanınması barədə şəhadətnamələrin təqdim edilməsi ilə bağlı tədbir keçirilib.
Crossmedia.az xəbər verir ki, riyaziyyat, astronomiya, fizika, biologiya elmləri, tibb elmləri, texnika elmləri, iqtisad elmləri, coğrafiya, filologiya elmləri, pedaqogika, sənətşünaslıq, milli təhlükəsizlik və hərbi elmlər üzrə fəlsəfə doktoru dissertasiyalarını müdafiə etmiş və AAK tərəfindən elmi dərəcə verilmiş 27 iddiaçıya fəlsəfə doktoru diplomları, texnika elmləri, tarix, milli təhlükəsizlik və hərbi elmlər üzrə elmlər doktoru dissertasiyalarını müdafiə etmiş və AAK tərəfindən elmi dərəcə verilmiş 3 iddiaçıya elmlər doktoru diplomları, Türkiyə Respublikası Akdeniz Universitetinin Sosial Elmlər İstitutunda siyasi elmlər üzrə fəlsəfə doktoru elmi dərəcəsi verilmiş 1 iddiaçıya və Macarıstanın Szeged Universitetində texnika elmləri üzrə fəlsəfə doktoru elmi dərəcəsi verilmiş 1 iddiaçıya müvafiq sənədlərin nostrifikasiyası əsasında tanınması barədə şəhadətnamələr təqdim olunub.
Texnika elmləri sahəsində “Maşınqayırma texnologiyası”, “İnformasiya-ölçmə və idarəetmə sistemləri (informasiya-ölçmə texnologiyaları üzrə)”, “Elektrotexnika, elektrotexnika mühəndisliyi”, biologiya elmləri sahəsində “Genetika”, filologiya elmləri sahəsində “Müqayisəli-tarixi və müqayisəli-tipoloji dilçilik”, riyaziyyat elm sahəsində “Kompüter elmləri” və sənətşünaslıq elm sahəsində “Musiqi sənəti” ixtisaslarının hər biri üzrə 1 iddiaçıya dosent, kimya elm sahəsində “Kompozit materialların kimyası və texnologiyası” ixtisası üzrə 1 iddiaçıya professor attestatları təqdim edilib.
12:00 20.05.2025
Oxunuş sayı: 726
