Alen Simonyan: “Robert Koçaryanı yalnız həbsdə görürəm”
Ermənistan parlamentinin sədri Alen Simonyan keçmiş prezident Robert Koçaryanla bağlı sərt açıqlama verib. O bildirib ki, Koçaryan hazırkı hakimiyyət üçün heç bir halda siyasi rəqib sayılmır və onun yeri məhz həbsxanadır.
Crossmedia.az xarici mediaya istinadən bildirir ki, Simonyan Koçaryanın ədalət qarşısında cavab verməli olduğunu deyib: “Mən Robert Koçaryanı yalnız həbsdə görürəm. Ermənistan məhkəmə sisteminə inanıram və əminəm ki, o, gec-tez məhkum olunacaq”.
Simonyanın bu fikirləri ölkə daxilində müzakirələrə səbəb olub. Siyasi müşahidəçilər hesab edirlər ki, bu cür sərt mövqe hökumətin keçmiş rəhbərlərlə bağlı münasibətini və yaxın aylarda baş verə biləcək siyasi dəyişiklikləri öncədən göstərir.
Qeyd edək ki, Robert Koçaryan 1998–2008-ci illərdə Ermənistan Prezidenti olub. O, daha əvvəl də müxtəlif cinayət işlərində adı hallanan fiqur kimi tanınıb. Koçaryan özü isə bütün ittihamları siyasi sifariş adlandıraraq rədd edir.
Fatimə Nəbiyeva
22:25 19.05.2025
Oxunuş sayı: 9754
