Xarici xəbərlər

İran XİN: “İrana hücum edilərsə, hücumun edildiyi nöqtə qanuni hədəf olacaq”

İran Xarici İşlər Nazirliyinin sözçüsü İsmayıl Bəqai bu gün keçirdiyi mətbuat konfransında bölgə ölkələrinə xəbərdarlıq edib. O, İranın təhlükəsizliyinə qarşı istənilən hücumun cavabsız qalmayacağını bildirib.

“Bütün ölkələr beynəlxalq hüququn təkzibolunmaz prinsipinə əsasən, öz ərazilərindən üçüncü tərəflərin başqa ölkələrə hücumuna imkan verməməlidirlər. Əgər hər hansı bir ölkənin ərazisindən İrana hücum edilərsə, həmin nöqtə İran tərəfindən qanuni hədəf sayılacaq”, – deyə Bəqai vurğulayıb.

Crossmedia.az xəbər verir ki, bu bəyanat İranın müdafiə nazirinin ABŞ və İsraili hədəf alan açıqlamasından sonra səsləndirilib. Eyni zamanda, XİN rəsmisi İranın region ölkələri və qonşuları ilə dostluq münasibətlərini davam etdirmək əzmində olduğunu da qeyd edib.

Mədinə Cəlilova

🖨 Çap et

21:53 05.05.2025

Oxunuş sayı: 626